السلام عليكم ورحمة الله وبركاته

تكفون يااخوان ابي شوركم علي في مخطط آل تركي في الهياتم يقولون يسار الكبري بعد المزارع أول ماتدخل الخرج طبعاً فيه خدمات كهرباء ولكن مافيه ماء ويقولون الماء قريب يجي يعني سنة إلى سنتين واحد من اخوياي ماخذ له أرض مساحتها 600 على مااعتقد جنوبية شارع 20 طلعت عليه ب 100000 ريال وعليها صك طبعا الرجال يبي يحطها سكنية وأنا بصراحه أبآخذ لي أرض في هذا المخطط ولكن أبحطها استثمار لمدة 3 إلى 4 إلى 5 سنوات وبعدها أببيع أبي النصيحه ممن لديه معرفة باراضي الخرج لأني دائما أسمع أن أراضي الخرج دائما نازلة يعني سعرها ماهو مرتفع فهل تنصحوني أشتري في مخطط آل تركي واحط الارض استثمار ولا ماينفع الا سكنيه

تكفون أبي نصيحة من أخ فاهم في الاراضي وماله الا الدعاء

أخوكم
أبو عبدالله

وين العرب وين اهل الخرج ؟!

اول شي السلام عليكم ورحمة الله وبركاته
ثاني شي اول مابدا هاذا المخطط كانت اسعاره عشرين الى خمسة وعشرين الف ريال للقطعه السكنيه لانه في الهياثم بعيده من الخرج شوي لاكن بدت تتطور وزانت الحين ثم قفز المخطط معا المخططات الي في الخرج بسبب اتجاه الناس للعقار وتوجههم له ثم وصل الى ما وصل اليه .
النصيحه : المخطط لاباس به ولكن سمعت ان مستواه نازل وهو مجرى سيل ولو تلاحظ المخطط بنفسك لانه في مجرى وادي نساح ثاني شي في مخطط جديد احسن منه كأرتفاع وبعد عن الوادي وهو قريب منه لاكن لم يتم البيع فيه ولم يتم تحديد وقت البيع ولاكن اسئل المكاتب في ذيك المنطقه وبتلقى الخبر عندهم وبعدين المخطط موقف علا هاذا السعر من تسعين الي ميه الف له اكثر من سنه لازاد ولا نقص بنسبه للمستقبل مدري واذا ما اشتريتها اشتر في الرحمانيه الاستراحات الي ورا المخطط علا طريق الرياض حلوه ومستقبلها عنيف بداياتها كان 10000 والحين تصفق الميه ومساحاتها دلع 5000 م استراحات طبعا والله يوفقك لما يحب ويرضا واذا بغيت اي شي في الخرج اعتبرني دليلك وابشر بما يرضيك حط تلفونك وبتصل بك

ها وين اهل الخرج ؟!

مرحبا معك خويك الاول الي رديت عليك معليش ما اتصلت عليك لكثرت مشاغلي شوي المهم احب اخبرك ان فيه مخطط مزاد موقعه جيد في الخرج يبدا الحراج بلكات بكره ويوم الخميس قطع