معقوووووووول مرة كل ذا السنين بلمح البصر.....تعالوا اقول لكم السالفة
 

معقووووووووووول
مر على تخرجي 12 سنة
وانا مثلي مثل اي وحدة ماتعلمت
ياحسافة التعب والدراسة وقومة الصبح بعز الشتاء
على بالي نبي نتوظف وندرس
جامعيات انا وغيري كثير بس تخيلوا ما
نملك ولا ريال
عايشين على شفقة ابو او اخو او زوج
مرة يعطوننا وعشر مرات لا

مرة نشحذ والف مرة نستحي




الى متى
اذا شفنا الموظفات غبطناهن
ليش
احنا كمان درسنا وتعبنا وتبهذلنا
بس بيننا فرق
يمكن الحظ

تيسرت امورهم
واحنا تعسرت
لكن ان شاء الله فية امل
نتوظف

مادام انا عايشة

يعني ما زال الامل موجود

فلا بد للشمس ان تشرق

نبي نطلع الصبح لوظايفنا

ملينا من الوسادة

ياناس انصفونا
ارحمونا


اخوي الواسطة
تخيلني اختك
تخيلني بنتك

اكيد ماترضى
12 سنة مرة من عمري
مو متخيلة تمر 12 ثانية وانا بمكاني

معقوووووووول
يعني فاتني القطار

لا مافات
لاني نسيت اقول لكم
اني عندي اولاد الله يحفظهم

كلهم جبتهم بهذي ال 12
الحمد لله
ماصارت سنين عجاف

بس جلسة البيت تقهر

معانا جامعة وحاسب وانجليزي
واخرتها

مثلي مثل الشغالة
اللي مادرست

لا تقولون لا
الا

الحين من كم شهر سافرت وانا اللي استلمت البيت

تنظيف تمسيح غسيل

مافرقت عنها الا
بالراتب

لان هي ابو الشباب ممشي لها راتب

اما انا راعية البيت

معقول اخذ 800

لا هزلت انا
ماارضى الا ب 8000
لاني

سعودية
جامعيـة
مثقفــــة
متزوجة

معليش والله كتبت وانا مو حاسة بنفسي
عجزنا واحنا نقدم على وظايف
عجزنا واحنا نطر بالمنتديات


وينكم ياتجار ياواسطات ياوزراء
وينكم
وظفونا

وعد اعطي اللي يوظفني اتعابة

ماراح ابخسة حقة

20 الف للي يتوسط لي

هاااااااااة من يقول انا لها

وينصفني من الفراغ اللي ذبحنا



انا ماابي اتوظف عن طريق الرشوة

يعني اهم شئ يكون اللي بيوظفني لة معرفة باشخاص بالوزارات وزاارة التربية او الصحة او غيرة

ولا يكون هو مسؤل بنفس الوزارة
بناء على فتوى مشايختا الافاضل

كلمة ولو جبر خاطر

كلما اشتد اللون الأسود في سماء دنيتي..تفاءلت أكثر،
لأني على يقين بأن القادم هو الفجر.
يـارب إن أعطــيتني نجاحـاً فــلا تــأخذ تواضـعي
وإذا أعطيتني تواضعاً فلا تأخذ اعتزازي بكرامتي
وإذا أسـأت إلى النـاس فامنحني شجاعة الاعتذار
وإذا أســاء النــاس إلي فامنــحني شجاعة العـفو

موفقين

(الواو) حرف من الهجا ايَة كتاب يضمها
لكنها تمردت واصبح لـــــــــــها قدر وجلال


كبرت وصارت (واسطه) والواصل اللي خـمها
واللي عجز ماخمها يصبر على نطح الجبــــــــال


الله على خطابها صاروا عيال لعـــــــــــــــــــمها
كل(ن) يقدم شبكته يبغى من (الواو) الوصال


يدرون فيها ظالمه خالط حلاها ســـــــــــــتمها
لكن عربنا (قصروا) واليوم يبغون الكمال!


(الواو) للي مرتكي بنت وخفيف(ن) دمها
لامن بغاها جابها يقودها في سلك شــــــــال


والا الضعيف المشتقي يركض ولاهو يمها
لو جالها بيقودها تقطع جديدات ****ــــــال


اكبر قهر كيف الردي رجولته ماتمـــــــــــــــــها
(والواسطه) تاقف معه (يالا) شغاميم الرجال


اللي ماعنده (واسطه) سعادته ماشـــــــــــــــــمها
يبحث عن الحاجه جنوب وحاجته باقصى الشــــمال


هذي سلوم (الواسطه) ماحد(ن) بقى ماذمها
كل(ن) شكى من ضيمها واولهم عيال الحلال


تخيلوا قرده غزال اسبابها(الواو)امــــــــــــــــها
وان صارت(الواو)امها فالقرد بعين امه غزال


يعني عشان (الواسطه) كل(ن) تصير يهمها
مانيب ابالغ بالحكي (الواسطه) فوق الخـــيال


(الواسطه) عند العرب تفاخروا في سلمها
وبديرة الغرب تهبا ماحصلت فيها مـــــــــجال


يالعن ابو (هالواسطه) هم وذبحنا غمـــــها
ركض(ن) بلياها مثل ركض العليمي بالنعال


الله يكرَمكم أجل لاجا الأمر من فمــــــــــها
قام الدجاج بلا حيا ياطا على خشم الجمال


ياليت يصحى سلمنا يفكنا من همــــها
كان النظام العالمي يكتب بجرأتنا مقال

وسلامتكم .

منقووووووووووووول

..
..
الحـآل من بعضه .. لكن الشكــوى لله ..

ما باليد حيلـه .. كثيـر اللي مثل مشكلتـك :(

لكن ان شاء الله تنفــرج