السلام عليكم.. طلب مشوره من اهل الخبره
 

السلام عليكم روحمة الله وبركاته

عندي إستفسار "لأهل الخبره" في عالم العقارات ... معي مبلغ 500 الـف ريال وحابه استثمرها بشي دخله شهري ومافيه إي إجراءات صعبه ومعقده ...
يعني مثلآ اشتري شقه تمليك وأجرها بدخل شهري أو محلات وأجرها شهري بعد .. يعني زي كذا ..
أنا ( جديييده ) على العقار وخبرتي تكاد تكون معدومه فيه .. اتمنننى من اهل الإختصاص ان يدلوا بأراءهم ... وأبي الموقع يكون شمـال الرياض ... + الدخل مايقل عن 5000 خمسة آلاف ريال شهريآ

شآكره لكم .. وبإنتظار أراءكم تنورني ...

ممكن الاستثمار وسط الرياض
منفوحة,الشميسي,
مثال
عمارة شقتين وملحق قيمة البيع 350 الف الدخل السنوي 35 الدخل الشهري 2900
عمارة اربع شقق وملحقين قيمة البيع 630 الف الدخل السنوي 67 الف الدخل الشهري 5500

او البيع والشراء في الاراضي اطراف الرياض نمار لبن عريض

^^
الله يجزاك خير أخوي ومشكووور ..
لكن انا أبي شمال الرياض ولو اضطريت ازيد المبلغ 100 الف او 150 ألف ماعندي مشكله
لكن المهم الدخل الشهري مايقل عن 5000 خمسة آلاف ريال والتأجير ثااابت ومضمووون
وهذا اهم ششي ..

بالنسبه للأراضي حاليآ مابي لكن إن شاء الله خطط مستقبليه ,, والله يرزق المسلمين اجمعين ويبارك لنا فيما رزقنا ..


بإنتظار باقي اراء الأخوه والأخوات أصحاب الخبره ...

Uppppppppp

رفع.. ومازلت بإنتظار الأراء من الأخوه والأخوات ...

مجرد رأي
 

فيه مشروع واتمنى يناسبك اشتري أرض وتكون مساحتها حدود 500م في منطقة حديثة العمران مثل المونسية وشمال جامعة الإمام وأبنيها أستراحة مجزأة نظام الخلايا عزاب التأجير باذن الله مضمون والزبائن متوفرين بكثرة والتكلفة بحدود مبلغك وممكن أقل ومافيه أي مصاريف بس اهتمي بنظافة التجهيز (التشطيب) يعني لو قسمتي أرضية مساحتها 500م الى ستة أجزاء كل جزء يكون غرفة صالة وحمام ومطبخ صغير نسبياً وكل قسم أجرتيه بعشرة ألاف يكون المجموع عندك ستين الف يعني كل شهر خمسة الاف وهذه من واقع تجربة وخبرة وبالله التوفيق..

والله ياخوي ابو مصعب فكرتك طيّبـه وممتازه .. لكن يبي لها مقابل وشغلتها شغله ويبي لها واحد عنده خبره وانا مثل ماقلت جدييده على هالأشياء .. وماأبي مشروع يكون مقعد وصعب وابي مشروع بالعربي مايبي له رجال يقابله اغلب وقته .. أنا ماعندي إلا أخوي الله يحفظه ويدرس بأمريكا مب موجود هنا .. وخبرك عارف بالوضع وانا اختك ...