السلام عليكم ومساكم الله بالخير جميعا
لي يا اخوان والله العظيم اكثر من سبعه اشهر او اكثر
وانا ابحث عن عماره لشخص عزيز وقريب لي جدا
تكون على شارع تجاري 0 وبحثت يمكن بدون مبالغه في اكثر من 50 مكتب
عن عرض مناسب وعلى كبر الرياض ماحصلت شي يسوى والمشكله ان
اغلب اللي في هالمكاتب قليلين خبره ويتعبونك وماعندهم سالفه يعطيك معلومات
ويوم تجي تشوف العرض تلقى كل المعلومات خرطي
ومابقيت موقع عقاري في النت ومالقيت وكل يوم بحث في جريده الرياض
ونفس الشئ واللي لاحظت ان العماره اللي تستاهل تطير في الحال
لاحظت على غلاء الاسعار الفاحش الا ان الغالبيه متمسك لانه لايوجد بديل
او انك تعطيه سعر مبالغ فيه لعقاره
المهم ما اطيل عليكم قلت اطرح الموضوع لاخواني الاعزاء هنا لكثره الاعضاء
المواصفات المطلوبه
1-عماره في اي موقع بالرياض لايهم الحي بالعكس الاحياء القديمه هي اللي
فيها الفرص وكلامي هذا يفهمه اخواني العقاريين
المهم تكون تجاريه يعني فيها محلات وهذا شرط اساسي لان ربع الرياض يمكن
للبيع هذي اللي لاحظته من العروض اللي جتني لكن كلها سكني فقط
2- الدخل السنوي من مليون الى مليون و 300 الف
3- السعر طبعا حسب الدخل بشرط ان يكون في حدود 15 مليون وممكن يرتفع
الى 17 مليون لكن يفضل ان لاتزيد عن ال 15
4 - ليس بالضروره ان يكون هناك شقق يعني ممكن محلات فقط اوصالات تجاريه تكفي
المهم الشارع يكون حركته نشيطه الى حد مقبول والسعر مقبول بالنسبه للمواصفات
4-الدخل طبعا لايقل 8% قدر الامكان لاني اعلم صعوبه انك تلقى موقع ممتاز
وتجاري ودخل 10 % الله يرحم ايام الاسهم والله العظيم كان هناك عروض
ولا في الخيال يمكن بنصف اسعارها حاليا لكن الكلام في الماضي لايفيد
المهم ان شاء الله اللي مالقيته عن طريق المكاتب القاه عن طريقكم ياحبايبي
واسال الله لي ولكم التوفيق والسداد