هلا بزنس مان .. اكيد انت من البحرين لاني فتحت الخريطة ولقيتها عالبحرين .. اتشرفنا بيك وبالنسبة لصك التملك للخليجيين يكون صك انتفاع فقط لمدة 99 سنة لانه ممنوع التملك في مكة والمدينة لغير السعوديين وفي خليجيين كثير مستثمرين في مكة والمدينة لمدة 20 سنة و25 سنة سواء اراضي او فنادق والارض على واجهتين امامية وخلفية وارتفاعها بسيط جداً لانه جوارها ابراج كانت ارضيتها بنفس الارتفاع وانت عارف انه القشرة الارضية لمكة غير مستوية وتوجد ارتفاعات ومنخفضات بسبب الجبال والوديان حول الكعبة المشرفة وانت ملاحظ انه في ابراج في راس جبل في مكة وفي ابراج في وادي في مكة وحول الحرم ولكن ارتفاع الارض هذي ارتفاع بسيط وممكن ازالته بسهوله لانه ارتفاع مكون من صخور متفتته وليست صخور صلبة وممكن اي مقاول يشيل الارتفاع هذا في فترة زمنية ما تتجاوز الشهر وشهر يحفر الارض . وبالنسبة للسعر 13 مليون ريال والمساحة 800م2 وعليك بالاله الحاسبة تعرف قيمة المتر ولو قارنت سعر متر الارض هذي مع الاراضي الباقية حولها تعرف وقتها انه المالك ما طمع ولو طمع من حقه لانها قريبة من الحرم . تحياتي لك وتقديري .